【師兄你點睇】田泰安後上常有神來之筆 第七場舉定「白旗」(賴維銘)
孖寶田泰安賴維銘吳文輝鑲白旗第七場師兄你點睇
記:莫雷拉及利敬國停賽期滿,今夜(4日)重返戰陣,不過似乎並沒有影響潘頓的兵力,他出足八場依然惡馬如雲。
賴:手執實力馬都要有好形勢配合,第五場「孖寶」相信係潘頓贏馬呼聲最高的一駒。
呢匹蘇廐馬今季六戰未甩過三甲,只贏一仗略嫌失運,例如輸畀「萬眾之力」及「勝利在手」亦無話可說。
到上場排8檔起步,早段被迫走外叠比較尷尬,由於已耗力,故直路透出後未能貫注到底,只以第三名衝線。
「孖寶」今場抽到2檔起步,1檔的「非凡魅力」唔夠快,相信「孖寶」可一如預期般貼欄跑。
同場最強對手「特駒聯盟」排12檔,相信無可奈何要搶前,「孖寶」將可佔得有利位置。
B欄C彎入正直路後埋欄散開有位,「孖寶」呢匹1,200磅大步馬可長驅直前,形勢大好,本身四歲方興未艾,勢可贏馬升班而去。
記:霍利時今季谷戰成績較佳,今晚陣容甚強,會否有頭馬進賬?
賴:有近績支持的「甲烷」及「超趣」當然是牌面馬,至於第七場「鑲白旗」,我亦認為未可輕視。
此駒自季初開齋以來,連場名次都較後,不過我認為未真正反映此駒能力,例如贏馬之後一役由於排12檔,叠埋心水放棄頭段,可惜衝刺時重重圍困,未能認真發揮。
到上場遇超慢步速,此駒早段遙遙落後已知未能平反敗局,惟此駒追勁依然極強。
畢竟「鑲白旗」曾經擊敗「任我行」,級數相當,本身近日操練仍佳,田泰安騎後上馬常有神來之筆,值得兼顧。
-------------------
唔使自己刨得咁辛苦 精選貼士懶人包
即睇【今晚Tip馬夜唔夜】 -------------------
【馬後炮】韋達三大熱門死剩一隻 「無敵勇士」僅敗蔡明紹騎得老襯
即睇陳華棟同Dylan點詳細分析 -------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 ------------------
《果GYM》隨身播 健身壹App過!
一按即玩