Clockenflap今晚除咗有竇靖童首度在港登場之外，仲有一把熟悉的聲音——何韻詩。

今晚8點半，一頭白髮、超短褲、黑色長boot嘅何韻詩登場，甫現身即揚手示意，眾都好配合大叫，然後佢拎起木結他開始唱《千千萬萬個我》，點知支咪冇聲。唱完第一段先至有番少少聲，觀眾即歡呼，不過冇聲嗰陣都有人噓。

阿詩表現落力，唱到lalala部份，阿詩大叫觀眾「一齊，大聲啲!」唱完第一首之後，阿詩問大家:「繼續廣東歌好唔好？」之後唱陳奕迅嘅《時代曲》。

之後阿詩換咗支電結他唱《迷你與我》同《元神出竅》，唱完後再問:「香港人，你哋好嗎？都要講句英文，HongKonghowareyou？啱啱出嚟之前發現多咗好多香港人，哎呀，我老公呀（應該係佢ig成日話係佢老公嗰個小朋友）。」

跟手阿詩再唱《拋磚引玉》，台下有人大叫：「支咪冇聲呀！」阿詩就話「Canthemicrophone...theyareaskingformyvoice.」之後又話：「唔緊要，想聽我把聲，嚟我演唱會囉，12月約定你，賣下廣告先!」