日本混血名模道端Jessica於2014年嫁英國F1車手畢頓（Jenson Button），可惜二人婚姻破裂，於15年底傳來離婚消息。畢頓同道端Jessica之後好快各自另結新歡，女方今日更驚爆有喜，於Instagram上載凸肚照自爆首度懷孕，估計經手人係其荷李活電影監製新歡。

32歲嘅道端Jessica今日在Ig上載一張穿泳裝嘅凸肚照，並寫上：「Feeling summery and blessed」透露首次陀B。據知道端Jessica同一名電影人拍拖，並於美國洛杉磯一同生活，不過暫時未有結婚打算。