早前「高登King Jer」在facebook上載一條短片，將藝人謝霆鋒拍攝《十二道鋒味》片段剪輯成「霆鋒chok爆烹飪合集」，當中不少場面惹笑，例如在烤雞蛋仔時，疑似放太多蛋漿，而且最後製成品被網民嘲笑狀似「抹布」。不時在facebook「抽水」的「大嘥鬼」亦把握機會，表示「淋晒嘅雞蛋仔都值得被尊重」，又模仿King Jer原post的內文，表示「就算你係Gordon Ramsay又好，香港Gordon Ramsay又好，作為一個廚師最重要就係對食物有一份尊重，就算淋晒嘅雞蛋仔，都一定要食曬佢架！」

該帖文的標籤亦相當有趣，例如有「#十二道鬼味」、「#淋過毛巾呀」、「#Chok住咁尊重食物」。在留言位置，「大嘥鬼」稱「喂喂，玩還玩，正經野我都好比心機做架」，順道宣傳其「回收配套攻略」，亦有和不少網民互動，例如有人留言「仲有fing香蕉呢？」「大嘥鬼」就回應「Fing左入口」，貫徹環保理念。

【網民點講】
Simon Lim：留意佢唔係打句嘢，改下圖就算，而係用番自家角色，整咗幅原創抽水圖……政府旗下專頁出到個咁有誠意嘅玩嘢post——而且依然緊貼本身主題，實在難能可貴。
Keith Chan：大嘥鬼，我係你忠實fans，幾時出figure?
Angie Lauw：嘩著起廚房衫拎埋底雞蛋仔，鬼鬼突然靚仔好多！
Aska Lai：點解你咁型 有少少鐘意左你