十三歲的阿健自雙親早年仳離後，與十歲胞弟及母親相依為命，倚靠綜援刻苦過活。他坦言﹕「我好多同學舊年已經嚟過呢個嘉年華會，佢哋個個都覺得啲機動遊戲好玩好刺激，所以今年多數會再嚟玩……阿媽平日好少畀零用錢我同細佬，如果今日唔係有遊戲代幣分派，我同細佬今年依然無機會玩機動遊戲。」
免費招待
阿健與胞弟從記者手中拿過共三十多枚遊戲代幣後，即急不及待走進人群中，守秩序地排隊輪候玩「驚呼狂叫子彈車」機動遊戲。
在場另外幾位小孩子，你一言我一語盤算着玩甚麼遊戲，「我想先玩遊戲贏大毛公仔」、「一陣我一定要坐摩天輪同迴轉木馬」、「我唔敢玩跳樓機，好得人驚㗎」、「不如玩過山車先喇，喺前面排隊咋」。
其中一位小朋友的家長陳女士說，由於丈夫做散工收入不穩，家境清貧，她平日鮮有帶同子女外出遊玩，「出街多數要使錢，屋企環境又唔好，唔慳唔得！今次主辦單位免費招待，才有機會到環球嘉年華玩。」她歎道。
人人盡興
蘋果基金「童夢成真」行動日前分別安排基督教家庭服務中心與香港保護兒童會，合共五十名弱勢家庭學童到「環球嘉年華」遊玩，人人盡興而歸。「童夢成真」專戶捐款編號：C0121