34歲嘅台灣藝人阿雅，幾年前開始去大陸工作，最近內地最興就係跳水，阿雅都有份幫江蘇衛視嘅「星跳水立方」跳水。

噚日阿雅跳水嗰集播出，最後佢係被foul...係，睇完條片，你就知佢點解被foul。跳水係危險運動，好多藝人都花上幾個月時間去訓練，不過阿雅當日跳水，見佢喺5米高台上面姿態都有板有眼....點知一跳...佢完全冇換姿勢就用腳先落直插入水底.....嗯....這....算是跳水麼?

阿雅本身有畏高，本來佢當日係跳3米台，點知見到全場2千個觀眾，興奮到改成5米高台，問題係佢一直都冇練過5米台，吓，其實跳水咁危險，點可以臨時改o架?不過若果因為冇練習過而揸流灘，咁不如跳番3米啦!同場嘅李彩華，都叫有盡力完成動作嘛!最重要係，佢哋每一跳，都萬萬聲計o架嘛!

阿雅跳水片段:
http://www.tudou.com/programs/view/mz01Sx_yGw8/