大市只需一周便已升約1800點，轉眼便抵25000點關，氣勢之強令一眾股民又愛又恨，愛的當然是早已揸齊貨的投資者，恨的自是手上持貨不多投資者，大市不停升，很多投資者唔信唔調整，現升上來卻嫌手上貨唔多，似乎本末倒置。但投資者往往忘記昨天，只看眼前，眼見個股狂升，一方面驚高追時便遇資產泡沫爆破；但若唔盡快加碼，又怕被通脹逼得透不過氣。筆者早前也一樣有唔信你唔調心態，但「人老精，鬼老靈」，明白市場反常的厲害，通常升得多都會調，但萬一唔調便不只上升，是大升特升，所以減持股票同時，要持有認購期權長倉，現在藍籌挾上，認購期權升幅遠較個股大，沒做以上動作的朋友不如認定最低限度至26000，控制注碼，多做功課，短期下跌就乾脆閉起眼睛算了。

吼商場收租股穩中求勝

QE2規模雖不如首次大，但已非關鍵，因市場見美國經濟弱，早已明瞭規模細極有限，但聯儲局又會留一手，以防再有意外時無計可施，曾教授說得好，大戶喜用消息控制市場情緒，話唔定再有QE2Part2、QE2Part3憧憬，投資者最需要認清的是，貨幣供應增，現金價值續降。
此環境下，基本上所有可炒上落資產都會有資金追捧，而港股確有條件如大行報告所說般成QE2下最受惠新興市場。香港一直奉行自由市場，股市又有大量中國企業可讓投資者選擇，單是這兩條件，已對熱錢有莫大吸引力。另外，多個新興市場都大力抨擊美國推QE2，指美國根本在發動貨幣戰，有些國家更表明會推出措施，防止熱錢流入，投資者應更傾向將資金注入本港，港股中長線升勢或更令人驚喜。在人民幣升值，港元貶值下，香港零售業肯定受惠，但零售股已大升，不妨在香港商場收租股上下工夫，雖然升幅不如細價股，但勝在穩中求勝。

張士佳
寶來證券（香港）董事　投資服務部
mailto:[email protected]