黃建東（Derek）、方健儀、達哥及歐陽偉豪(Ben Sir) 等，今日到尖沙嘴出席「傑出數碼大獎2016」。

黃健東二次創作《PPAP》成為網絡紅人，今日佢化身「pork lego guy」，着上一身訂造嘅公仔造型出現，Derek話：「入行5年，難得得獎，獲頒最有創意網絡紅人獎，件衫喺深圳訂造，用咗2千幾蚊，阿媽見到件衫就嘔血，唔知放邊，叫我用完就掉，我想留番明年萬聖節着。」Derek表示，o依家諗緊新內容做二次創作。

過往都係手機不離手嘅方健儀話，上網嘅時數確實難以減少，因為作為自由身藝人嘅佢，不時都要依賴網上平台如facebook自我宣傳，佢話：「宣傳都係靠自己，冇人幫。」對於有否接過古怪留言，方健儀話：「有人問我可唔可以做佢女友、契姐，我話佢知太遲，粗言穢語不停咁send留言都有，自己都係以感恩同平常心面對。」