曼聯現任隊長朗尼，新一季睇嚟都冇得留低，今季「月巴」缺陣期間，紅魔鬼用過基斯史摩寧、卡域克、路爾斯華倫西亞等球員做隊長，不過曼聯球迷發起網上投票，結果好多人都支持西班牙中場安達靴里拉做新任隊長，不過靴里拉就話自己未夠班。

27歲嘅靴里拉成為今季曼聯球會最佳球員，助攻助守予人好感，所以魔迷都撐佢做新隊長，不過靴里拉謙虛咁講：「每位曼聯隊長都為球隊贏得好多榮譽，我暫時仲未有呢個能耐，得到球迷支持我都好開心，但坦白說，我仲要提高自己嘅能力。」