立志在娛樂圈發展的余德丞，前年曾拜師跟黃秋生學做戲，雖然只有十日課程，但獲益良多。對於余德丞昏迷入院，秋生今日接受《蘋果》電話訪問愕然說：「冇理由！佢游水喎，希望佢冇事，大步檻過。」

問到對余德丞有甚麼印象？秋生坦言：「只係記得個樣好熟，隱約記得有個學生係做兒童節目，乖乖仔仔，自己好似叫佢唔好咁心急，要等機會，做番自己，唔好有偶像包袱。」對於余德丞今早傳危殆，秋生送上祝福：「天佑乖仔，大步檻過，希望佢今晚出院，返屋企休息！」

而游泳健將出身的余德丞，早前曾在訪問中表示，覺得藝人與運動員頗相似，兩者都要捱得苦及有恒心，惟運動員付出100分努力，應該會有80分收成，但做演員下100分苦工，可能只有60分回報。為了裝備自己做一個演員，他曾跟影帝秋生學做戲，當時更獲秋生點化，叫他要做回自己，不能心急，其後回想覺得秋生說得很有道理。