「親民影帝」周潤發近期為兩部賀歲電影四出宣傳，雖然行程頻撲，但發哥未現疲態，而且佢同一眾後輩演員有傾有講，佢哋個個都爭住向發哥「集郵」，發哥當然來者不拒，仲同佢哋自拍合照㖭。今日馮德倫及余文樂就喺網上貼咗同發哥嘅合照，馮德倫仲賣口乖祝發哥兩部賀歲戲都票房大收；

另外，高妹梁詠琪（GiGi）噚晚出席《西遊記之大鬧天宮》慈善首映，當影嘉賓大合照時，GiGi原來想企喺後排，點知發哥就同佢講：「過嚟啦﹗你老公唔喺度，得我襯到你咋﹗」GiGi先可以企喺發哥身邊。之後GiGi喺網上貼咗張手機相片，原來係佢同發哥嘅自拍照，佢哋一影就影咗五十幾張，認真利害，有心水清嘅網民就笑言：「賭神同少年賭神女友（GiGi曾演過《少年賭神》）自拍。」