日本動畫《聲之形》故事圍繞患有聽覺障礙嘅女主角西宮硝子同少年石田將也之間嘅故事，片中石田將也小時候曾經多次傷害硝子，以致硝子於班上受到歧視同欺凌，五年之後，兩人喺唔同嘅高中成長後再相遇，石田將也亦決意要彌補對硝子造成嘅傷害。

《聲之形》近日正式喺內地上映，不過有內地觀眾發現電影片長被刪咗約20分鐘，即令網民議論紛紛。有網民投訴《聲之形》係一部反映校園欺凌嘅電影，內地卻將電影精華內容都刪走，有網民指可能因為欺凌內容敏感所以被剪走，亦有人指可能因為排片問題，所以要將片長兩小時9分鐘嘅《聲之形》刪短。