陳淑蘭近日得到卓悅美容有限公司的邀請，繼佘詩曼和吳綺莉後，任纖體代言人，她同時亦為卓悅宣傳彩光美容。
通淋巴去水腫
卓悅近日先後安排蘭子等三位代言人拍攝明年的月曆，蘭子日前穿上四套靚衫在灣仔一間影樓拍照，她分別穿上兩套泳衣、一條短裙和以Gucci絲巾綁成的裙子，四個造型都能充份展示蘭子的修長美腿。
蘭子自八八年參選港姐，奪得亞軍後，她一直沒有穿泳衣出席公開活動。但拍攝當日，穿上泳裝的蘭子十分苗條。問到蘭子現在的三圍數字，她說：「𠵱家係34、25同36，其實係比參選嗰時肥咗少少，但卓悅都開始為我通淋巴去水腫。」蘭子平時可有特別護理天賦的長腿？蘭子說：「好坦白，我平時係唔做運動嘅，好彩多得阿媽遺傳。」
蘭子有機會做卓悅的代言人，完全是機緣巧合，她說：「日前我同朋友去拜神，並許下戒牛肉的諾言，點知嗰晚同朋友喺半島食飯，卓悅老闆娘葉太就派咗助手過嚟我張枱誠邀我拍廣告，我當時真係立即『𦧲』飯應。」
做Model唔容易
蘭子續說：「我哋相約再傾條件，老闆娘好爽快，全部都答應晒，我哋合作好愉快，佢哋重會贊助我試唔同療程，有得免費扮靚又有錢賺，梗係開心啦。」蘭子拍了一整天的照片，全身痠痛，蘭子事後說：「原來做模特兒真係唔容易。」
採訪、攝影：比華利