今朝早（26日）七點，就見意大利騎師李寶利到場，便立即操霍利時馬房的「金獅叻將」，而霍利時督操後，亦趕返機坪接馬，騎練兩人密斟咗一輪先至返馬房，動態積極。

出戰周三（28日）晚第七場二班1650米的「金獅叻將」，前一場贏三班谷草一哩，上仗升班轉跑田草1400米，鬥志成疑，敗不足據。

今次換上騎師李寶利再跑首本路程，對手雖然比贏馬一役強，不過勝在負磅較勝仗時輕，要小心回馬槍。