李克勤噚晚喺無綫錄影《第七屆粵港澳安全知識競賽》，克勤老友陳百祥（阿叻）講到網民發起台慶熄電視，阿叻意氣風發話如果台慶得番兩﹑三點收視，佢由將軍澳跪返屋企，言論即時俾網民鬧爆。

克勤噚晚亦有備以來，即話近排忙住綵排《左麟右李》演唱會不問世事，又扯開話題話：「我哋個騷叫香港有聲音，嗰啲都屬香港聲音一部份。」不過克勤都撐阿叻，話佢其實心地好好，問佢會唔會叫阿叻慎言？克勤即話自己做細唔敢。

克勤又透露搵咗黃子華喺《左麟右李》演唱會做一part棟篤笑，問到會唔會講發牌？克勤話乜都有啦，但唔會好批判去講。