【先要有創作空間】《叔．叔》導演花4年講老同志心境 願再為少數權益做電影
蘋果日報 2020/05/30 17:20
盧鎮業楊曜愷叔.叔
- 楊曜愷（左二）花了4年時間，為《叔．叔》寫劇本、籌備拍攝、搵投資者與選角等。
- 楊曜愷希望下齣電影仍可以少數權益發聲。
- 小野（右二）自覺開放，曾試鏡爭做同志角色，不過每次都落選。
- 楊曜愷讚太保、袁富華都演得好，太保更拿下剛過去的金像獎影帝。（劇照）
由楊曜愷執導的長者同志電影《叔．叔》，於今年第39屆香港電影金像獎中獲9個獎項提名，最終由太保勇奪最佳男主角，而區嘉雯則奪得最佳女配角，掀起一翻熱論。
楊曜愷與在戲中飾演袁富華兒子的盧鎮業（小野）今天接受「香港愛滋病基金會」的直播訪問，分享拍攝的幕後花絮與本地同志文化，由於題材問題，楊曜愷回想由寫劇本、籌備拍攝、搵投資者與選角等，困難重重，最終耗用4年時間才完成，他說：「最難係搵演員，要演員肯做，重要不停試鏡，睇吓唔同嘅配搭邊個係最好，太保經驗豐富，袁富華就比較放，演員都好有專業，一開始已經好快融入角色，投入咗就冇顧忌，無論係同性或異性，對方都係你鍾意嗰個人。」楊曜愷更笑言兩位演員都相當專業，拍攝完畢已能抽離角色。
提到下一部電影的題材，楊曜愷直言希望繼續為少數權益發聲，他說：「都會同爭取平等有關，我都做咗同志電影節20年，電影可以令世界嘅人更認識同理解，係使命，嚟緊我所做嘅議題都會同少數權益有關連，拍電影唔只係要娛樂大家，係需要有啲嘢講，我每部電影都會用3、4年時間去做，放咁多心血，花時間、精神，係要有意義，咁先令我有推動力。」而小野則謂向來都希望一嘗演同性戀角色，他說：「我係開放嘅，不過cast咗幾次都唔中，因為我太瘦，我好明白。」
撰文：栐仁