號稱世界級户外電子音樂節《Road To Ultra》昨日中午至晚上10時在西九龍文化區苗圃公園舉行，先後有4人昏迷送院，當中1人不治。消息稱，送院急救的4名青年，部分人尿液樣本驗出含毒品，警方亦在音樂會現場發現搖頭丸、藍精靈及一些新興毒品，警方油尖警區重案組第三隊接手調查。(新聞連結：　 http://bit.ly/2yg3HrL 　）

周家蔚噚晚都有去電音節，她今日接受《蘋果》訪問時，表示對有現場觀眾倒斃表示不清楚：「唔覺現場好混亂，我亦冇留意有冇指叫人唔好濫藥。」

周家蔚又稱：「聽到咁嘅新聞都好心痛，我以前都試過去懲教署監獄見到啲小妹妹，未夠16歲，講返自己點解食毒品，連失禁都繼續照食，大家一齊着尿片。其實佢哋都唔識得分乜嘢係好，乜嘢係壞，見到朋友去做自己就跟着去做。」

問到點解撇低兩個仔自己去玩，佢笑住話﹕「天明都去咗馬來西亞一半工作一半玩，其實我哋周一至周五都湊仔，我都係去玩半日啫，嗰度有我鍾意嘅DJ。」

梁靖琪(Toby)由傍晚5點幾已經係現場，到9點幾先走，對於電音節有人死亡，佢都感覺好愕然：「我又唔覺有啲人特別high，其實嗰度都幾焗，好多男仔都除晒上衫，我都一路飲好多水，反而少飲酒。咁啱有朋友由紐約嚟香港玩，所以我就陪佢哋去玩吓囉。」