現年24歲嘅日本男星山崎賢人在影視界取得不俗成績，今年先後在日劇《致命之吻》及《Good Doctor》中挑戰男陪酒及扮演自閉症兒科醫生，演技令人刮目相看，上月在日本電視雜誌《The Television》舉辦嘅「第98屆日劇奧斯卡」上獲頒最佳男主角，演藝成績受到肯定。

山崎賢人昨晚出席中國北京舉行嘅「愛奇藝尖叫之夜2019」，奪得亞洲新銳藝人獎項，佢為今次首度踏上中國舞台而學定普通話，不過當佢上台發表感言時，大陸當紅男團TFBOYS成員易烊千璽嘅fans竟然大叫「易烊千璽生日快樂」，好彩場面未算好尷尬，山崎賢人之後又用中文逐粒字講：「謝、謝、大、家...」台下觀眾都報以掌聲鼓勵，鏡頭亦有大特寫鄧紫棋（G.E.M.），見佢都被山崎賢人嘅唔鹹淡國語逗得非常開心。對於易烊千璽粉絲刻意趁山崎賢人發言時大嗌偶像，有人問究竟係咪山崎賢人被認錯做易烊千璽？另有唔少網民就覺此舉有欠尊重，搞到雙方粉絲掀起網上罵戰。

精選娛聞，喺晒《娛果》
http://fb.com/appledailyent