尖沙嘴殺警案不經不覺已經發生咗近九個月，案中唯一生還者「加菲」警員冼家強已經差不多完全康復。警隊刊物《警聲》喺今期報道，上個月西九龍總區舉行運動日，加菲為油尖旺警區做啦啦隊，幫自己警區嘅伙記打氣，結果油尖警區憑住啦啦隊出色嘅舞姿，加上加菲嘅落力打氣，成為全場總冠軍，奪得最多獎牌。
至於死因庭幾時先至開庭審呢單殺警案，八方聽聞警方仍有唔少文件需要提交畀死因庭研究，相信聖誕前仍然未搞掂，睇嚟仲要等一排先至可以知道呢單案嘅真相。