【《造星II》決賽】Tank與女友超辣身舞挑戰電視尺度 大熱MC俘虜謝安琪
謝安琪Tank全民造星IIPhoebus
ViuTV《全民造星II》今晚於清水灣邵氏影城舉行決賽,10強熱門之一的吳啟洋(Phoebus)打頭陣出場唱《On Fire》,但一開始便出師不利,咪突然失靈沒聲,工作人員立即上台跟他換咪,雖然Phoebus表演視覺效果豐富,但唱功差不時走音,評判霍汶希(Mani)事後給他評語時,也禁不住說:「個咪有少少影響到佢跳舞,但唔影響我畀佢嘅分數,因為佢跳得好,又識執生,反而會加分,不過佢要學吓唱歌。」
比賽第一回合,多位參賽者都走音,除Phoebus外,還有李祉均(Oscar)、阮頌揚(Brian)同樣唱歌走音,至於曾比特(Mike)唱功不俗,大熱張天賦(MC)唱功及跳舞不俗,獲評判之一的謝安琪(Kay)心心眼大讚,Kay說:「你揀呢首歌揀得好好,你好享受舞台,發揮得好好。」
去年退賽《造星》的梁德忠(Tank),第一回合找來女友做舞伴,大跳三級辣身舞,Tank在舞台上跟女友做出多個性愛動作,甚至在鏡頭前雙手揸女友胸,之後又除衫和淋濕身跟女友作多個挑逗動作,挑戰電視尺度。身為評判的林珊珊說:「跳得唔錯,期待聽你把聲,成晚只睇到body又有紅底。」至於丘凱雄(Hugo)和年紀最細、只得18歲的陳樂(Justin)在第一回合唱歌尚算不俗,但Justin的咪又出現問題,他還未開口唱歌,工作人員已跟他換咪。Justin表演後,Mani笑指他似當年剛出道的謝霆鋒:「比想像中成熟,有感染力。髮型令我諗起謝霆鋒,點梳都好有兩條曱甴鬚走咗落嚟,咩年代都興呢味。」
經過兩回合比賽,Oscar在星級評判團分數中以64分排第一,第二名是60分的Phoebus,George以59分排第三。
-----------------------------
《2019高級珠寶鑑賞誌》
點擊即睇過百款鑽飾名錶 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇