27歲至索賭王千金何超蓮，喺社交網貼坐超市手推車嘅相片，由於架車係擺物品唔係載人，超蓮要雙腳屈膝先坐到入去，不過佢就玩得好開心，興奮到舉晒V半遮面，笑到見牙唔見眼，留言：「只坐上去1分鐘#太胖怕會壓壞#好險奴奴成功捕捉。」原來呢張相係DJ Donald拍攝。

雖然超蓮只係一時貪玩，不過有網民就畀負評，賭王千金都冇面畀，留言狠批：「有潔癖的人表示對鞋踩到好污糟.....」、「就係呢d曲歪！成個超市比佢搞彎曬喇！」、「這是不好的示範」；不過，亦有網民與超蓮同聲同氣：「正！我喜歡玩這個。」

何家子女似乎都有舖坐超市手推車嘅癮，之前四房公子何猷君都坐過，由男友人推住佢穿梭超市，指指點點要買乜，猷君得戚留言：「我的王子病就只有一種。」猷君唔止自己坐，仲服侍過前女友袁紫僑坐手推車行IKEA㖭。

精選娛聞，喺晒《娛果》
http://fb.com/appledailyent