據了解，民主黨一眾核心高層昨午曾會面，商討如何化解甘乃威事件引起的危機。消息稱，普遍意見支持成立獨立調查委員會徹查事件，認為早日向外公佈委員會成員名單，有助早日解決事件。但據了解，目前最大問題是找不到合適的人選出任成員，委員會名單仍然有待落實。
民主黨副主席劉慧卿昨日強調，該名女助理早已表明不會出席民主黨或立法會的聆訊，並指女投訴人不希望任何知情人士再講述事件，「我就係代表佢（女投訴人）講，佢係唔想任何人、任何人再講任何嘢，因為對佢嚟講，件事已經處理晒。」
雖然女助理不願作證，劉慧卿稱民主黨也會在「無人作出指控」情況下進行調查，「如果真係冇人行出嚟投訴，當事人又冇委派人出嚟講，咁個調查委員會做到幾多咪盡量做囉。」
但劉慧卿強調香港是法治之區，「你想入罪一個人，係要有人證、物證……唔可以冇人證、乜都冇，就話要釘人；如果真係釘咗都唔得掂，香港都反轉啦！」