作為台灣一年一度嘅電視界盛事，第52屆金鐘獎今晚喺台北國父紀念館舉行，今屆金鐘獎由台灣名嘴黃子佼及S.H.E成員之一嘅Selina任家萱主持，而金鐘獎正式開始前嘅星光大道就由台灣新聞主播岑永康及LuLu黃路梓茵主持。

今屆金鐘獎延續過往模式分為廣播及電視兩大類別，而電視獎項中亦有分為節目獎及個人獎項，下午五點開始先由四位主持打頭陣踏上星光大道，而紅地氈兩邊喺開始前已經有唔少Fans到場支持及等候，其後陸續有嘉賓、演員及影視名人到場，可謂星光熠熠，當中以楊謹華最為搶眼，以一身超低V晚裝亮相，不過台灣o靚模郭書瑤都唔弱，33E上圍非常有睇頭，而同小豬羅志祥傳過緋聞嘅「蝴蝶姐姐」愷樂「事業心」都好重。

20:09：金鐘獎首個獎項頒發迷你劇集新進演員，林羽葶憑《數到十，讓我變成沈曉旭》奪獎，至於「迷你劇集男、女配角」分別由《媽媽不見了》嘅蔡振南同《通靈少女》嘅李千娜奪得。之後由楊謹華頒發戲劇類男、女配角獎，分別落喺《阿不拉的三個女人》嘅游安順，同《植劇場「天黑請閉眼」》嘅孫可芳手上。

20:24：大會頒發終身成就獎俾有「台灣導演教父」之稱嘅林福地，表揚佢過去嘅貢獻。另外，部份表揚幕後工作人員嘅獎項，包括燈光獎、音攻獎、剪輯獎同攝影獎等，都已經頒發。

21:25：迷你劇集（電視電影）男主角爆冷由《最後的詩句》嘅傅孟柏奪得，成功擊敗大熱《望月》嘅吳慷仁，而位於號稱「死亡之組」嘅迷你劇集（電視電影）女主角就由《最後的詩句》嘅溫貞菱奪得，擊敗話題作《通靈少女》嘅郭書瑤、《鬼迷心竅》嘅許瑋甯、賽前超級大熱《新不了情》嘅楊謹華等。雖然郭書瑤失落迷你劇集（電視電影）女主角，但《通靈少女》仍成功奪得迷你劇集獎。

22:40：益智及實境節目主持人由KID林柏昇及台灣「綜藝一哥」吳宗憲獲獎，今次係吳宗憲第三度獲得金鐘獎殊榮，而KID喺得獎感言上特別鳴謝女朋友許維恩，令現場尖叫聲不斷，而羅志祥同愷樂就以《娛樂百分百》贏得綜藝主持人獎，綜藝節目獎由民間跳舞選秀節目《舞力全開》獲得。

23:20：柯淑勤以植劇場《戀愛沙塵暴》得視后。64歲劉德凱憑《這些年那些事》奪視帝。戲劇節目導演由許肇任的《酸甜之味》得獎。

=====金鐘獎完整得獎名單=====
【戲劇節目獎】植劇場《天黑請閉眼》
【戲劇節目女主角】柯淑勤／植劇場的第一季《戀愛沙塵暴》
【戲劇節目導演】許肇任／酸甜之味
【戲劇節目男主角】劉德凱／這些年 那些事
【綜藝節目獎】《舞力全開》
【綜藝節目主持人】小豬（羅志祥）、愷樂（簡愷樂）／娛樂百分百
【益智及實境節目獎】《歡樂智多星》
【益智及實境節目主持人】KID（林柏昇）、吳宗憲／綜藝玩很大
【戲劇節目新進演員】陳妤
【戲劇節目編劇】杜政哲、楊惠文
【生活風格節目獎】我的No.1表情
【生活風格節目主持人】王浩一、劉克襄
【節目創新獎】《水下三十米》
【電視電影獎】《公視人生劇展--告別》
【迷你劇集獎】《通靈少女》
【迷你劇集（電視電影）導演】許立達
【迷你劇集（電視電影）女主角】温貞菱
【迷你劇集（電視電影）男主角】傅孟柏
【迷你劇集（電視電影）編劇】許立達
【非戲劇類節目導播】黃慧娟
【非戲劇類節目導演】吳米森
【自然科學紀實節目獎】《永不妥協-實驗室的挑戰故事》
【自然科學紀實節目主持人】麥覺明
【人文紀實節目獎】《我存在-原住民影像紀錄》
【人文紀實節目主持人】陳耀忠
【特殊貢獻獎】丁松筠
【終身成就獎】林福地
【燈光獎】劉宸瑋
【音效獎】盧律銘、簡豐書
【剪輯獎】李俊宏
【攝影獎】陳克勤
【戲劇節目女配角】孫可芳
【戲劇節目男配角】游安順
【兒童少年節目獎】《地球的孩子》
【兒童少年節目主持人】向日葵
【美術設計獎】王冠懿、張軼峰
【動畫節目獎】《我愛歡喜》
【迷你劇集（電視電影）男配角】蔡振南
【迷你劇集（電視電影）女配角】李千娜
【迷你劇集（電視電影）新進演員】林羽葶