嘉欣BB 良辰未到

蘋果日報 2013/10/25 00:00


鍾嘉欣日前成為時尚與美容雜誌《add》封面女郎,她一反乖乖女形象,穿上deep V與型格服,展現別一番魅力。劇集《巨輪》播映以來,嘉欣BB跟陳展鵬的緋聞與「正印」伍允龍的感情成為熱話,被問到感情的新進展,她鬼馬地說:「有呀!唔講得!哈哈……其實唔係特別新進展,感情事一直都有,只係一直唔講。我知年紀唔細,唔再係20、25歲嘅女仔,就快29+1,拍拖係必要。」
empty
嘉欣希望男友是大隻陽光男孩,要真心、能保護她,跟伍允龍很相近吧!《add》圖片
empty
嘉欣成為《add》封面女郎,她自言很喜歡BB的稱號。
empty
入行九年的嘉欣在娛樂圈能繼續發展,她形容這是一個神蹟。
《add》圖片
拒做高齡產婦
嘉欣BB與伍允龍已是公認一對,但一直未有公開,她說:「其實我好期望有一日同大家分享我嘅感情事,但係要等一個適合嘅timing。好似大家問阿Mo(陳豪)BB係仔定女,都係一個timing,佢覺得唔舒服就唔講。我都一樣,可能到兩年後有一日,我會突然覺得原來公開係最開心,咁就會好舒服同大家講,但係呢一刻,都係想將感情生活keep private。」何時輪到嘉欣生BB?她說:「我希望35歲前生BB,唔想年紀太大先做媽媽。」
明年是嘉欣BB入行十周年,她很慶幸得到很多眷顧:「相當幸運,可能因為信仰,我覺得一路以嚟,神都喺我身邊傍住,好到令我到今時今日仍有能力屹立喺呢個圈。我成日問自己,點解到咗第九年我依然冇被叮走?點解我仲可以繼續唱歌同演戲?如果唔係一種神蹟、一個miracle,有一種力量喺度保護我嘅話,我應該走唔落去。」(詳細內容請參閱第26期《add》)
撰文:林妃

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com睇番足本網上版,除咗有專訪外,仲有好多時裝靚嘢睇!