在本港出售的摩托羅拉A835型號3G手機，電話簿中沒有筆畫搜尋功能，但說明書中卻顯示有此功能，用戶感被誤導；且港人普遍採用筆畫搜尋功能，刪除後甚感不便。摩托羅拉稱是印刷出錯，日後會透過提升軟件功能，調校適合香港使用的設定模式。

「開初部手機嘅目錄明明可以俾我揀用『筆畫』喺電話簿搵電話，買機時職員冇話用唔到，但𠵱家又話呢個功能唔適用喺香港而鏟咗，好唔方便。」
《蘋果》讀者陳先生稱，他於今年4月購買摩托羅拉A835型號3G手機，用後不久發現手機會自動熄機及揚聲器失靈，送往摩托羅拉維修部檢修，並獲更換新機。

設定不合香港故刪除
他使用新手機後，發現電話簿中，原有的七種搜尋電話方法，少了「筆畫」一項，只餘「英語」、「拼音」、「筆畫數」（輸入筆畫總數）、「記憶位置」、「聲控」和「電子郵件」。他向摩托羅拉查詢，獲覆「筆畫」功能不適用於本港，故已刪除。
「好多電話都係用筆畫嚟輸入中文姓名，冇咗用筆畫呢個搜尋方法嚟搵電話好唔方便，我買機時明明部機係有呢個功能，點可以事後無聲無色咁鏟咗去。」
他說，舊手機電話簿功能中確有筆畫一項搜尋方法可供選用，每次使用時均會「當機」，但當時他未有為意。

每次使用均會「當機」
另一用戶葉先生同樣遇到上述情況，「𠵱家大部份人都係用筆畫方法輸入中文名，如果冇得用筆畫去搵番個中文名真係好唔方便，所以我𠵱家都係夾硬用，惟有次次『當機』後再RESET（重新設定）過部機！」
摩托羅拉亞太有限公司客戶服務部回覆本報稱，不同地區的3G手機支援不同的電話簿搜尋功能。根據摩托羅拉A835型號用戶手冊所述，客戶可帶同手機前往維修服務中心，由技術人員替客戶手機，調校回適合在港使用的搜尋方法。