土耳其中場阿達杜倫喺剛結束嘅球季甚少替西甲球隊巴塞隆拿披甲，預計好大可能喺今夏離隊。阿達杜倫最近似乎頭頭碰著黑，早前替土耳其國家隊比賽時，因為喺飛機上面被指毆打一名70歲嘅老記者，結果要喺國際賽掛靴，而日前西班牙一間電台又報道指，巴塞放棄阿達杜倫係因為佢爛賭，不時出入賭場，仲欠下唔少賭債喎！