香港金融服務從業員人數逾23萬，但立法會金融界功能組別，以團體票投票，據2012年選舉登記，當年登記選民（金融機構）只有125名，中銀集團旗下銀行及附屬機構牌照，約佔7、8票。吳亮星在中資機構力撐下，2012年在無對手情況下直接當選。

有銀行家指，上屆議員東亞銀行（023）主席兼行政總裁李國寶，雖有「三點不露」之稱，不過講話有份量，金管局都「將銀行界放喺眼內」；但現時業界代表，在議會內講飲鉛水延年益壽、坐洗頭嫖妓，令銀行界社會形象插水。

不過業界縱有微言，亦明白當下形勢不同。2000年立法會金融界別首次出現競爭性選舉，當年前浙一銀行（03年被永亨收購）第2代掌舵人孔令成出選，挑戰的是李國寶，但回歸後任何參選人若非得到中方祝福，「唔係挑戰吳亮星，係挑戰西環！」故此，只有中資背景的候選人才夠票當選。

是否中資代表才「夠秤」擔當金融界別議員？吳亮星接受本報電話訪問時說得坦白，「呢個係時勢問題」，銀行業務、市場及利益都與中國相關，「畀中資行代表係咪合適啲呢？我諗回歸後係比較自然。」

對市場指其不熟悉銀行實務，他強調自己清楚業界運作並不離地，反而「好接地氣」，基層中上層員工及老細級，都接觸得到，「同金管局、同NormanChan（總裁陳德霖）個個月枕住有對話。」銀行界聲音，他絕對帶到入立法會。

今年7月將屆67歲的吳亮星，指「健康OK，唔覺得係問題，畀我大既都有。」言下之意，續任議員有心有力？他只重複：「總之需要到我，我咪繼續做。」

剎那間想起電影《國產凌凌漆》，「聞西」羅家英跟周星馳對話：「阿漆，國家終於有任務畀你嘞!」

記者：劉美儀