設計師Patricia去年斥資近20萬於太子洋樓經營青年旅館「Wontonmeen」，持有本港賓館牌照，單位建築面積1,100方呎有10個床位。目前單靠Airbnb與Hostelworld兩個網上平台招客，平均出租率約5成，當中Airbnb佔客源一半。

作為一個出租者，Patricia指Airbnb的租客已經預先繳費，能夠避免「甩底」的情況，而且Airbnb不單止租客可以為房東評分，亦鼓勵房東寫評價比租客，她可以視乎租客過往的評價而決定是否出租床位。

同時Airbnb亦能夠提供安全感予出租者，「起碼知果個客係咩樣，(Profile)會有一句解釋佢係做緊啲咩！」而Hostelworld則對租客一無所知。

而幾年前起，Patricia在朋友介紹下開始使用Airbnb為旅行找住宿，因為網站界面易於使用，且單位較具特色，「有時往宿未必一定要住酒店，你可以住一啲比較特別的地方，例如百年老宅、城堡，呢啲Airbnb做到。」她早前去意大利某個小鎮旅行使用Airbnb預訂住宿，「個小鎮好早已經無車，個意大利屋主會過黎車我!」

現在她會視乎旅伴及目的地決定使用Airbnb抑或住宿地方，「如果城市唔係好認識，睇到啲酒店相完全唔開胃又貴，咁好自自然然會想睇下其他住宿。」

所以，Patricia認為Airbnb是一個分享特別旅行經驗的平台，「例如我有個好特別既地方，古堡、祖屋之類。可能淨係想出租一個周末，唔洗專登攞個牌，淨係租果一日、一間房。Airbnb可以有多一個唔同嘅體驗可以分享!」例如她一直想去非洲一間百年老宅，「二樓食野嘅地方就會有隻長頸鹿伸個頭入黎!」

而她開民宿目的是希望比訪港旅客一個簡單而舒服的環境，旅客之間亦可以產生交化交流。至於酒店業界直斥Airbnb鼓勵無牌放租，作為持牌旅館經營者Patricia稱明白正反分雙方的立場，故對法例方面的爭議不作評論。

掌握財經生活資訊，即Like「蘋果ATM」fb專頁啦！
http://fb.com/appledailyatm