台灣導演九把刀當年嘅電影作品《那些年，我們一起追的女孩》，到現在都為人津津樂道。近日佢又有新作《報告老師！怪怪怪怪物！》，已經安排咗7月喺香港上映，今次轉玩恐怖變態元素，而演員亦搵咗一班後生新人上陣。

賣點除咗怪物，其中男主角鄧育凱飾演一名資優生，不過因為鍾意向老師做二五仔，所以畀班入面嘅同學排斥。有一幕講佢畀班嘅三位話事人勒頸，導演準備真勒，所以拍之前鄧育凱都有豁出去嘅心情，工作人員手持手提電話，準備隨時叫白車。嗰場拍嘅時候鄧育凱被勒到成塊面脹紅、眼淚鼻涕狂噴，當然最後都冇事，佢回憶返拍時情形:「當下眼前一片黑，頭超暈，人生過往片段已經在腦中閃過了！」

劇情講述男主角同三位蝦蝦霸霸男生，被老師委派去做義工，但畀佢哋係大廈發現一隻食人小怪物，令佢哋產生好奇去研究，引發出恐怖事件。