將會以新劇《師任堂》回歸公仔箱嘅韓流一姐李英愛，雖然有近12年冇拍劇，但喺韓劇界嘅身價同地位仍然無人能及。

早前韓國節目《姜勝華的演藝手冊》就公開踢爆愛姐原來以每集近1.5億韓圜（約110萬港元）嘅演出費接拍《師任堂》。

新劇亦預計會喺海外掀起版權嘅爭霸戰，所以計埋海外輸出版權嘅費用，節目仲估計愛姐可以收取每集近3億韓圜（約220萬港元）嘅演出費。而韓劇一般都會有20集，所以愛姐淨係拍《師任堂》已經可以收4,400萬的演出費，認真厲害。

另外，節目亦大爆ｏ依家拍緊新劇《Producer》嘅金秀賢同埋佢死對頭男星李敏鎬，以及《看見味道的少女》朴有天就以每集近1億韓圜（約72萬港元）作為演出費。