無綫封殺壹傳媒，禁止壹傳媒記者入電視城，但就連公眾場所都禁止訪問。今日該台於油塘商場舉行宣傳活動，《蘋果》記者被拒圍欄外，無綫企業傳訊部宣傳科副總監曾醒明向記者解釋：「由於公司已下咗指令，唔能夠進內採訪，外圍影相我哋阻止唔到。」被問此舉及會否影響與商戶合作？曾醒明表示暫時冇。

另無綫今日安排三個宣傳活動，包括兩個籌款活動及劇集宣傳，全部拒絕壹傳媒採訪。至於喺荔枝角公園一個關懷社企嘅表演節目，無綫現場保安人員嚴格執行無綫嘅「封殺令」，禁止《蘋果》記者進入後台。曾醒明現身，聲稱荔枝角公園球場依家係無綫後台，屬於無綫管轄範圍，唔係公眾地方，只容許壹傳媒以外傳媒內進。

有網民對無綫此舉表示:「只會使人更加憎無綫」、「無法無天，我喺香港住咗幾十年，從未聽過傳媒杯葛傳媒。無綫真係創先河。」、「唔通無綫喺街拍嘢，又話條街條係你嘅咩！！都講唔通嘅！」、「荔枝角公園球場你買架？」