【人心肉造】為己為人點都要贏！希威森鍊盡「紅粉彩影」
蘋果日報 2019/12/18 17:55
谷草韋達葛鑑賠希威森紅粉彩影紅粉精英團體
希威森續策紅粉彩影跑谷草一哩
韋達開倉有唔少馬主支持，好似「乘勝追擊」馬主葛鑑賠咁，當初第一時間帶兵加盟韋廐，可惜此駒最終轉廐不勝退役，韋達肯定覺得唔好意思。
為了要令葛生有補償，今晚（18日）葛生有份嘅紅粉精英團體名下馬「紅粉彩影」出賽谷草，韋達當然要鍊盡向佢贏馬交代。
呢匹馬評分已減到過晒龍，上仗初降第四班跑谷草1650米，在希威森胯下後上甚勁得第五，反映本身在評分上已找到支持點。
雖然希威森弱勢，但韋達都冇諗過換人，前者難得有實力馬在手，一定出盡九牛二虎之力，以報答後者雪中送炭。
韋達用行動支持希威森