韓國男團Highlight(前BEAST)五位成員尹斗俊、龍俊亨、梁耀燮、李起光及東雲今晚會喺亞博館Hall 10展開巡迴演唱會「2017 Highlight Live Tour in Hong Kong」，呢場係佢哋海外演唱會嘅首站。

噚晚佢哋率先來港做準備，五子噚日由韓國仁川機場出發來港，到噚晚深夜佢哋終於抵達香港，現場有近百粉絲接機，亦有警察維持秩序，當佢哋現身VIP區時，雖然佢哋包到冚，但粉絲見到偶像亦即發出尖叫聲，Highlight見到港迷都有熱情打招呼。