當年今日
關於我們
咁多嘢唔鍾意 田泰安偏偏鍾意隻怪獸!
蘋果日報 2017/06/15 09:45
怪獸家長
怪獸家長
何良馬房的「怪獸家長」於今朝早(15日)七點半,就由今仗騎師田泰安策騎,前往大圈快跳一課。騎者上馬之後又摸馬頭又拍馬頸,喜愛洋溢。
其時何良在大圈出口俾策騎指示,跟住返烽火台全程用望遠鏡昅實,並且親自打錶,極為緊張這匹馬房寶貝。
毛里求斯騎師田泰安曾經於二月尾騎過「怪獸家長」一次1600米賽事,並且與「無敵飛龍」成為雙亞軍。
今次故劍重逢跑周日(18日)第九場二班1600米賽事,怪獸係時候重新攻陷沙田馬場。