當年今日

隔牆有耳:傳阿爺為馬首講數 - 李八方

蘋果日報 2007/09/22 00:00


蘇富比原定下個月拍賣圓明園12生肖銅像中嘅馬首像,但拍賣會「馬失前蹄」流產,賭王何鴻燊搶先以6,910萬元「內部認購」。馬首原本估價6,000萬,按以往拍賣生肖銅像經驗,成交價會貴好多,點解賣方肯制?
有報道就指,阿爺喺宣佈拍賣時已經唔高興,話拍賣因戰爭搶掠而流失嘅文物,會嚴重傷害人民情感;國家文物局即刻同蘇富比溝通,希望件國寶「用適當方式回歸」。報道又話蘇富比出面同台灣收藏家賣家「講數」,賣家終於答應;最後又係愛國商人發揮功用嘅時候,何生負責埋單,然後送番畀國家。八方好開心國寶回歸,但都學懂一個道理,就係無論你幾有錢,或者間公司有幾大,都係富不與官爭。