【逆權運動】阮民安走勻港九撐抗爭 銅鑼灣睹巿民慌亂避催淚彈
蘋果日報 2019/09/29 17:54
阮民安
阮民安（Tommy）昨晚現身添馬公園參與傘運五周年集會，今朝一早已在新聞留意到銅鑼灣街頭早巳有防暴警察出現，並開始驅散巿民，大約下午2時多，他到銅鑼灣食飯及關心現場情況，誰知當他步至怡和街圓形天橋底，目擊警方施放多枚催淚彈，直擊在場巿民慌忙走避，他完全估不到警方在這麼快便施放催淚彈。
Tommy講述昨晚集會，他指垷場秩序良好，在其他人指揮下，大家有幫手傳遞水、傳物資，整個氣氛都喺和平下進行，但不知為何永遠在尾聲時，總有警民衝突發生，他說：「正如今日都係和理非嘅人，嚟全球抗極權大遊行，好多差不多60個地方支持香港，我哋主場，偏偏做唔到，基本上街訴求唔畀做，係好可悲現象。」昨晚金鐘集會在警方要求下提前結束，Tommy說：「喺指示下離開都算順利，而水炮車喺政總外發炮，同我有一段距離，但都聞到似催淚水或胡椒水刺鼻味道，我本身有少少傷口，但着住衫都『嗱』，明白前線記者中咗應該好痛。」
Tommy今午以黑衣打扮現身銅鑼灣，身處地方距離施放催淚彈一街之隔，而譚小環的店舖渣哥今日仍有不少人往幫襯，即使街外附近烽煙四起，市民沒有退避，繼續排隊幫襯良心店舖。Tommy其後離開銅鑼灣，轉移到荃灣出席由一個中學生集會的嘉賓，他看到中學生為香港未來無懼出來爭取，Tommy非常感動，他今午在電話訪問中說：「因為知道好多中學生可能都被學校打壓緊，唔可以表達訴求，所以一收到邀請，就二話不說應約，想畀佢哋知道，仲有好多人支持佢哋，同場仲見到陳伯，身體力行支持學生，好respect！」
採訪：馬建華
攝影：陳俊強（左圖）
今午防暴警又出現銅鑼灣驅散巿民。
巿民在銅鑼灣避催淚彈。
Tommy現身銅鑼灣聲援。
渣哥今日繼續現人龍。
Tommy在活動中跟支持抗爭的陳伯好好傾。（被訪者提供圖片）
Tommy移師荃灣支持中學生活動。（被訪者提供圖片）