可嵐、李亦喬（牛雜妹）、方健儀、胡渭康等今日在尖沙嘴出席電影《突襲安全區》慈善優先場。適逢是父親節，現時經營會所餐廳和咖啡店的可嵐表示曾猶豫能否來看電影，因為每逢佳節都要待在餐廳服務大家。提到現年10歲的兒子，可嵐開心指他在星期日會在餐廳幫手，她笑說：「佢好犀利，佢幫手計數同排單，我都放心嘅，我想小朋友要學以致用，所以我教佢點樣幫我做會計，希望疫情好返之後，我就開多間舖，阿仔幫我計數，我就慳返啲會計錢。」

至於牛雜妹透露昨晚和今朝已跟爸爸慶祝父親節，「我屋企有10個人，所以噚晚喺舖頭拉閘，食咗一餐團團圓圓嘅家庭飯。」她指爸爸不急於將她嫁出去，就算將來嫁不出去，要一起住都沒所謂，但如果有對象，都不需要她找個有錢人，最緊要是應付到生活，「我都鍾意小朋友，啲人話有仔趁嫩生，以前有諗過22歲結婚，24歲生小朋友，但我今年都28歲，同呢個嘅距離有少少遙遠，所以生到就生。」

-----------------------------

蘋果App大升級 更簡潔更就手！了解更多（立即下載體驗）