話咁快今年就過咗半年，嚟緊下半年有多部韓劇將會開播，當中幾部韓劇嘅卡士都相當勁。

而今日三齣下月或8月開播嘅新韓劇都公開新海造勢，下月7號開播、由韓國神劇《太陽的後裔》、《鬼怪》嘅金牌編劇金恩淑執筆、韓國男星李秉憲、金泰璃、柳演錫、卞耀漢等主演嘅最新tvN劇集《陽光先生》(Mr. Sunshine)，今日劇組就公開《陽光先生》嘅最新海報，當中可見李秉憲同金泰璃互揞住對方個嘴，唔知發生何事。

另一齣同樣喺下月23號開播嘅JTBC新劇《LIFE》，今日亦都公開咗兩大男主角曹承佑同李棟旭嘅新海報。

而由池晟夥拍韓智敏主演嘅tvN新劇《認識的妻子》將於8月開播，劇集將會接檔《金秘書為何那樣》，今日劇組同樣率先公開浪漫海報。

更多韓流，喺晒《娛果》
http://fb.com/appledailyent