諸葛湊仔返學擺烏龍

蘋果日報 2018/09/04 05:20

陳豪陳茵媺諸葛紫岐應昌佑開學吳忻熹
    昨日是開學日，不少星級父母都送子女到銅鑼灣的幼稚園上學。諸葛紫岐昨早10時45分在工人姐姐的陪同下，送囝囝薛華韜上學，韜韜與媽咪都身穿粉紅色polo恤，沒有穿校服。逗留半小時後，諸葛帶着囝囝離開，問到韜韜為何不穿校服？諸葛說：「佢升K2喇，今日playday以為唔使着校服。」之後兩母子匆匆離去，但原來上落車的位置，其座駕都屬於違例停泊。
    前名吳文忻的吳忻熹素顏現身，早上8時多就湊囡囡Scarlet上學。應昌佑與大仔應嘉軒在10時40分現身，升讀K2的應嘉軒一邊飲益力多一邊行，比同齡小朋友生得高。應昌佑表示由於首天上學，所以比平日原定上學時間遲一點。
    empty
    諸葛紫岐記錯昨日是playday，沒有讓囝囝穿校服上學。
    empty
    應昌佑拖實邊行邊飲的大仔應嘉軒行去幼稚園。
    empty
    吳忻熹痛錫囡囡，昨早親自湊上學。
    陳豪單手抱仔
    好爸爸陳豪日前亦被發現做湊仔公，送囝囝返playgroup。當日下午5時左右，陳豪駕駛七人車到淺水灣，落車時單手man爆抱起細仔陳浩鋒（Nathan），雖然Nathan扭計，但陳豪充滿耐性慢慢逗對方，最後兩父子去了附近商場返playgroup。兩小時後，陳豪抱着細仔落樓上車，會合太太陳茵媺、大仔陳梓燁及囡囡陳凱婷。
    原來陳豪和陳茵媺當日兵分兩路，陳茵媺及工人姐姐負責帶大仔及囡囡上堂，陳豪就專責帶細仔，以及開車接送一家人。因為附近有不少旅遊巴停車及上落客，當日都有旅遊巴向陳豪的七人車響按，陳茵媺都揮揮手示意唔好意思，之後再安頓子女才上車走人。
    採訪：羅慧敏、徐錦池
    攝影：仇志德、孔志豪
    empty
    陳豪日前單手抱起細仔返playgroup。
    empty
    陳茵媺及工人姐姐帶大仔和囡囡上堂後，再會合老公陳豪。