內地富二代汪小菲自從同台灣藝人大S(徐熙媛)結婚之後，曝光率大增，但是非亦隨之而來。你唔搞人，人哋都會惹你，汪小菲惹親嘅，都唔係小非咁簡單。

噚日中國富豪榜排第二嘅王健林……個仔，對汪小菲一條微博做評論話:「一看就的假裝文藝青年，還拿時光和豆瓣說事兒，不知道什麼是imdb和rottentomatoes？」雖然汪小菲已經刪咗呢條微博，但件事當然唔會咁算數啦。

今朝凌晨4點，王思聰突然喺微博貼咗張CAP圖，圖中顯示係汪小菲評論佢嘅微博:「孫子，你一臭儍X，有你他媽受罪那天！小崽子。」圖中的汪小菲的微博，頭像同佢新浪微博嗰個一樣，但唔知係咪真係佢本人嘅。

王思聰話晒都係富二代，梗係唔忍你啦，喺微博反擊:「小儍X借著酒勁兒來我這放肆了。一對噁心母子，做點實際買賣吧，天天要不然就是作秀要不然就是逃官司，累不累啊？就你褲兜裏那倆鋼鏰還總冒充富二代，你還真好意思，你那掛著軍牌的車就是你權利的象徵唄，你那明星老婆(大S)就是你上流社會的證明唄？自己照照鏡子去吧，三十好幾了，整天整些沒用的。」

汪小菲係俏江南老闆張蘭嘅心肝寶貝，成日俾人話靠阿媽不事生產；而佢同王思聰亦早有積怨。早喺汪小菲結婚時，舊年汪小菲結婚傳出係王健林嘅萬達集團贊助，王思聰就喺微博炮轟汪小菲同阿媽「裝X」，話佢老竇王健林根本冇同張蘭見過面。之後張蘭發火回應，話王思聰呢個世姪不對，仲講到「人在做天在看」咁嚴重。依家兩個富二代又開火，唔知幾時息干戈？