【英國讀書】梁芷珊狀元女兒留守宿舍 學校比倫敦市中心安全
蘋果日報 2020/03/24 19:17
梁芷珊IB課程
互聯網圖片
武漢肺炎肆虐全球，日前國際文憑組織（IB）宣佈取消原定於4月底至5月中舉行的IB課程考試，估計全球有逾20萬名考生受影響，梁芷珊和前夫羅傑承所生的11A狀元女兒Eily，正在英國讀書，她便是其中一位受影響學生。
早前為照顧女兒去了英國的梁芷珊，目前仍身在倫敦，她接受《蘋果》電話訪問表示：「我個女係呢20萬人裏面其中一個考生，雖然取消IB考試，但學期未完，佢選擇留喺宿舍繼續online上堂，認為學校無陌生人入內，比出倫敦市中心安全。呢度有一種想法：stay put，意思係留在原地。如果本身身處地方安全，我都同意留在原地係好做法，因為任何流動都可能增加傳染風險，亦會增加該社會的抗疫壓力，當然我確保佢身邊有足夠口罩洗手液同傍身藥物。」
目前芷珊在倫敦租apartment居住，她坦言不心急要女兒搬離學校宿舍：「我唔係好心急要佢趕出嚟，等佢執吓嘢先，我哋會訂機票返香港，但唔係咁急，可能4月中先返港，因為而家機票都緊張。至於我喺倫敦嘅生活，就係搖控香港生意、睇書、寫吓嘢、同啲隔離緊嘅朋友吹水。」