香港的自由急速消逝，政治狀況日趨轉差，有在異國打拼的香港人深感香港已從過往充滿人情味的城市，變成人與人之間無法包容彼此的地方，「因為政治立場不一樣，朋友可以絕交、家人可以趕仔女出街，呢個地方仲有咩好？」因此在去年反送中時已進行歸化日本籍手續，決心留日發展。

東京直擊 黃齡步

香港人YA在日本唸書、工作10年，她憶述自己最初在日本唸化妝，原打算學有所成回港開設化妝學校，但赴日唸書後，覺得香港變得越來越陌生，「以前嘅香港有人情味，守望相助，慢慢大家多咗怨氣，罵政府係一定，亦同時會仇恨人搵到錢。」YA畢業後在日本任職廣告、投資移居代理，2014年雨傘運動時，曾經在日本參與抗議活動聲援香港，「自己係香港人，當然想為香港出聲，但最後都有啲失望，因為發現都係一班人吹吓水，叫吓口號，其實無乜嘢做到。」YA當時仍未打算移民日本。

對於北京打算在港實施國安法，YA坦言「無得救」。YA因工作需要不時回港，去年6月和10月她均在香港，見證遊行示威一次比一次誇張，由6月她參與反送中遊行時仍可安全上街，到10月「成條街落晒閘」，整個城市不再安全，「無諗過會喺香港見到呢啲畫面。」YA指，她在香港的朋友分兩批，一班出身較為基層，另外一班朋友從事金融業、或者在上市公司任要職，她認為香港不再自由，受苦的只是基層，「對於有錢嘅，佢哋只係想繼續搵錢，直到呢刻，佢哋對香港發生嘅事毫無感覺。」至於令YA最受不了的是社會撕裂，「父母可以因為政見不同趕仔女出街，呢個地方仲點住？」

不願出鏡的YA在去年進行歸化日本籍的手續，已成為日本人。她稱，從去年開始，查詢移居日本的個案急增，「以前主要係接受查詢，客人會問好多喺日本點立足、工作嘅問題，但依家好心急，會即刻畀錢，叫我幫佢哋搞手續。」最誇張的個案是有一家三口請她協助申請學生簽證移居日本，而男童只是剛剛在港讀完幼稚園，「佢哋係完全無諗過嚟日本讀乜、或者點安排子女上學，只係想搵逃生門，過咗嚟先。」

YA語重心長指，移居日本並不簡單，需要學習日語、尊重日本文化，更需找尋生存方法，打算移居的人宜認真考慮。她又擔憂隨著移民潮，大批無理性思考的人湧入日本，「日本有好多規矩，例如垃圾要分類，如果香港人唔遵守，將香港嘅生活習慣套入日本，遲早日本人只會覺得我哋同中國人無分別。」

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新