侍仔：陪完女友賞月，深夜睇吓友賽同歐國盃外圍賽都係好節目。
菠蘿文：招積，你話今晚英格蘭主場對住馬其頓可唔可以大勝呢？
招積域：馬會「讓球主客和」開到英格蘭[-2]，唔係主場就大晒吓話？馬其頓唔可以低估，仲貼馬其頓係出線「黑馬」。作客贏人哋1:0就信心爆棚？我依然撐馬其頓「客勝」加波膽1:1，誓要拆英軍「囂張招牌」！
侍仔：周六晚戲碼，唔係強弱對碰就係「海軍鬥水兵」，意大利對烏克蘭算係較好睇一場。招積，你要邊隊？
招積域：「軍刀」有態就話冇佢唔得啫，但𠵱家佢喺車仔踢到咁沉，就算出到場都係一無是處。烏克蘭殘陣，揀意大利贏1球啦！
菠蘿文：以為你會死撐烏軍㖭，算你都仲有啲理智。