【楚雲聲】七歲老馬有如第二春 無懼上第三班再鬥(Cloudy)
第二春雷公鑿第三班活力勇士Cloudy七歲老馬楚雲聲永同歡欣
嘩!成棚化骨龍繼續停課,班長老就比一般老人家更加「巢皮」,苦過苦瓜乾咁樣。
自己退休,仔女要返工搵食,啲孫仔孫女就放個超悠長假期。
此情此境,到我醒幾隻好馬過佢哋,順祝心平氣和,真係無挑釁成份,唔好諗太多。
周三(18日)第二場四班1200米,「活力勇士」今季初(去年10月16日)就係四班拍住郭能贏馬,之後升上第三班都間中跑近,然後最近兩場落番第四班都同樣跑近。
今次呢組對手實力唔太特別,以「活力勇士」級數同咁落力操練,同場仲要夠快馬,好啱佢留守中間再追一段。
第六場三班1650米,「雷公鑿」連場好,七歲老馬有如第二春,越跑越起勁,無懼上第三班再鬥。
呢隻馬忠心準繩,專攻一哩賽事,兩星期前(6日)做埋閘再見人,夠晒誠意。
第八場二班1200米,「永同歡欣」上第二班無阻力,輕磅夠銳,有好檔(3檔)亦唔會留太後蝕身位。
上場(2月16日)跑田草1400米落敗情有可原,當作刻意練氣。
3月初(6日)再整課短途泥閘追得好,備戰充足,唔怕同場嗰班中堅分子。
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 ------------------
《果GYM》隨身播 健身壹App過!
一按即玩