碧咸嫂Victoria近日因為同碧咸聚少離多而經常被傳婚姻有危機，不過佢一於少理，身為聯合國全球抗愛滋大使嘅佢，最近又去咗埃塞俄比亞做探訪。

Victoria上周五於埃塞俄比亞探訪當地社區，主要出席咗一個珠寶製作同鑲嵌課堂，更同當地官員見面，宣傳同教育同防範愛滋，佢着住件衫寫住「UNAIDS」，於instagram放相時又留言話：「教授女性公平貿易珠寶」、「女人支持女人」，睇嚟都十分投入。