蔣怡(Coco)、黃芷晴及貝安琪，今日化身大廚，去馬鞍山出席「煮食有營 健康有型」利安街市開幕，即場下廚示範烹調菜式。

蔣怡曾遠赴倫敦藍帶廚藝學院學廚，自言家人1日5餐都係由佢一手包辦：「屋企人鍾意食中菜，要食得健康啲，我日日行街市，冇去買衫，亦冇放假休息，有時星期日唔煮出街食飯，都係為咗同老公有傾偈空間，老公鍾意喺屋企食，因為出街啲嘢比較難食。」Coco表示有為網上飲食節目拍攝，近日老公唔喺香港，煮少啲比較清閒。

黃芷晴去年中秋開始自己整月餅，今年亦唔例外，為媽咪新成立嘅粵劇團製作獨一無二嘅月餅，芷晴話：「試過失敗好多次，爸爸同男朋友做白老鼠，男朋友好有耐性，陪我一齊整，亦有整畀男朋友嘅屋企人。」芷晴表示計劃籌備一間餅店，但仍屬初步階段。