首先「本是同根生」呢句出自曹植嘅七步詩,有網民話下一句就係「相煎何太急」,歷史上曹植被當權嘅哥哥妒忌迫害,曹植借詩反問哥哥,點解要急於殺我呢?如果咁解讀,呢個廣告玩味甚濃,似乎又唔多似撐國安法,反而似問北京何需立咁辣嘅法對付香港人。亦有百厭嘅網民話,呢個廣告hehe味重,問兩間男校講「同根生」,是否意有所指?仲話今次係一群舊生聯合搞,係咪指玩集體遊戲?仲有人心邪拎兩間學校舊生嘅擺位開玩笑,問點解「喇沙在下,拔萃在上」,有冇特別意思呢?
好地地一個撐國安法嘅廣告,結果變咗「曲到圓」,到底落廣告嘅人係豬隊友,定身在曹營心在漢?八方真係分唔清。
李八方