當年今日
關於我們

隔牆有耳:肥仔明贏波請客 - 李八方

蘋果日報 2009/07/05 00:00


白鴿黨肥仔明攞咗銀紫荊,近日喜上眉梢,八方噚日在一公開場合見到佢同張瑪莉有講有笑,原來兩人係波友,不時打友誼波。
據肥仔明講,有班前高官、議員逢周四在馬會天光道會所開枱打乒乓波,佢熱衷呢項運動,所以掹衫尾加入,上星期四打咗個半鐘頭。民建聯劉江華亦係常客,Mary則係新手,但好捨得聘請時薪數百元專業教練指導球技。
呢啲友誼波勝負冇所謂,贏波反而要請食飯,肥仔明縱橫球壇幾十年,反手更係絕技,所以不時要埋單,佢笑言Mary有高手指點卻好少贏波,懷疑好多人都刻意深藏不露,畀多啲機會佢找數。