立法會今日復會,各路人馬都趕返嚟。白鴿黨前主席馬丁亦由尼泊爾飛返嚟,準備同老董再玩過。
馬丁今次又係同飛哥佢哋一班老友去玩,前後去咗十日,先去印度,重唔怕死走到喀什米爾,嗰度成日有直升機喺頭頂盤旋,之後成班人去參觀泰姬陵同新德里嘅名勝,馬丁話真係名不虛傳。
咁印度都未算危險,因為尼泊爾日日都有啲叫做Maoists嘅共產黨喺度打游擊;去尼泊爾之前,駐港領事重叫佢哋唔使驚,因為Maoists唔會殺遊客,夜晚會戒嚴,所以好安全。
馬丁平安而回,皆因佢哋到訪之時,撞正Maoists有節日慶祝,宣布停火九日,於是佢哋周圍去玩,重坐小飛機一覽珠穆朗瑪峯。
飛哥取笑馬丁,不如試吓由尼泊爾入西藏,嗰度個關口應該鬆啲,唔認得佢係民主派。不過馬丁張相有冇遍布各地海關,連西藏天葬嘅禿鷹都認得佢個樣,遠遠見到就大聲叫,驚動公安咁就唔知喇。
傳真︰2623-9278
電郵︰
[email protected]