由王晶監製嘅網劇《冒險王衛斯理之支離人》今日喺電視城搞記招，有份演余文樂、任達華及林家棟等都有現身，早前喺北京出席活動，認咗老婆王棠云有咗BB，有傳預產期喺6月(新聞連結： https://bit.ly/2GbeoTX )。

在場記者先恭喜樂仔，心情係唔係好興奮?樂仔先多謝大家：「是的!很開心的，因為我本來就是我人生當中，我會做的一件事情。」

樂仔指太太懷孕嗰陣有唔舒服，孕吐比較多，所以太太要多啲休息，講到使唔使接多啲job搵奶粉錢，樂仔指一直好努力，冇因為有小朋友而特別多啲工作，反而要諗點樣減少工作，可能要調整一下。

被問太太有冇母憑B貴喺屋企做「女王」，樂仔即耍手：「不會!只要有一個女王，我媽就是，哈哈!我媽是一視同仁，她不是第一次抱孫，所以似『家常小菜』，好像多一個人這樣，她都是開心，但她不會寵小朋友，挺嚴厲的外婆。」

問到太太今胎係仔定女同太太預產期幾時，樂仔就好口密：「到時候會告訴大家，你知道我是偏向低調一些。」當初結婚冇講太太有咗係唔係想保護屋企人，樂仔：「我從來做任何事情，如果不是你們挖出來，我是不會講，你知道我從來不會說我有甚麼，因為我挺堅持，分得很開，工作歸工作，生活歸生活，除非是你們拍到、抓到、查到，要不然我是絕對不會對外說。」樂仔暫時未睇啲育兒書，亦唔太擔心呢一方面，屋企兄妹都有小朋友，好多人可以俾到意見同幫助。

精選娛聞，喺晒《娛果》
http://fb.com/appledailyent